ဒါပဲ

ဒါပဲ

မိုး.......မိုးဘာလို့ရွာ...........
ဖားအော်လို့ရွာ......ဖားဘာလို့အော်
မြွှေကိုက်လို့အော်........ မြွေဘာလို့ကိုက်....

အင်း......... ဒါတော့သေချာမသိဘူး
ဗိုက်ဆာလို့လား ........ ကိုက်ချင်လို့လား .....
သူ့တို့နှစ်ယောက်ကစားရင်းမြွေကလက်လွန်သွားလို့လား ?

ဘာကြောင့်မှန်းတော့မသိဘူး.........
မိုးတွေသည်းကြီးမဲကြီးရွာနေတယ်....
မိုးကြီးလွန်းလို့ ဆူညံသံက....
ကိုယ်ပြောတဲ့ကို စကားသံတောင်ကိုယ်ပြန်မကြားရတော့ပါ....
မိုးရွာနေချိန်မှာ...လျှပ်စီးလျှပ်ပြီးမိုးချုန်းသံကိုကြောက်တယ်
မိုးကြီးလို့ ရေကြီးလာတာကိုအမြင်ကပ်တယ်။
မိုးရွာရင်ဘာမှမလုပ်ချင်..ဘယ်မှမသွားချင်ဘူး

ဟော........
တဖြည်းဖြည်းနဲ့ မိုးဆဲလာပြီး.........ကျဲလာပြီး.......
တိတ်သွားပြီး..........ရေတွေလည်းကျသွားပြီး
နေလည်းပြန်ထွက်လာပြီး.....

အမ်း .........
စောစောကသူမဟုတ်တဲ့အတိုင်းပဲ..
အင်းပေါ့ စိတ်ရှိသလိုလုပ်ကြပေါ့
ရွာချင်ရွာ.......မရွာချင်နေ
မိုးရွာရင်...... ဆောင်းဖို့ထီးရှိတယ်..မိုးကာအိင်္ကျီရှိတယ်..
နေပူရင်လည်း......ဆောင်းဖို့ ထီး ၊ ဦးထုပ် ရှိတယ်...
ဒါပဲ။ ။

For sale

အလိုရှိသည်

အလိုရှိသည်

High Technology ဖြင့် ဖန်တီးထားသော စက်ရုပ်များနည်းတူ အလုပ်လုပ်ပေးနိုင်သော လူသားများအလိုရှိသည်။ အောက်ပါ အရည်အချင်းများ အတိုင်းလုပ်ဆောင်နိုင်ရမည်။

(၁) ဒေသစံတော်ချိန် မနက် (၇) နာရီခွဲတွင် ရထားဘူတာ သို့မဟုတ် ကားဂိတ်သို့ အရောက်လာနိုင်ရမည်။ သို့မှသာ (၈) နာရီရုံးရောက်မည်။

(၂) ရုံးရောက်သည်နှင့် စက်ရုပ်များနည်းတူ ခိုင်းတာလုပ်၊ တောင်းတာပေး၊ မေးတာဖြေ၊ စေရာသွားနိုင်ရမည်။ အထွန့်မတက်ရ။

(၃) နေ့လည်တွင် တစ်နာရီ အနားပေးမည်။ ကောင်းသည်၊ ဆိုးသည်မခွဲခြားဘဲ ဈေးပေါရာ၊ နီးစပ်ရာတွင် ကြုံသလို စားနိုင်ရမည်။ တစ်နာရီပြည့်လျှင် ချက်ချင်းရုံးပေါ်ပြန်တက်လာရမည်။ စက်ရုပ်များသည် အချိန်တိကျသည်ကို သတိပြုပါ။

(၄) ညနေ (၅) နာရီထိုးသော်လည်း အလုပ်မပြတ်သေးလျှင် တစ်နာရီခန့် ဆက်လက်ဆောင်ရွက်နိုင်ရမည်။ စက်ရုပ်များသည် ဘယ်သောအခါမှ အချိန်ပိုကြေး မတောင်းပါ။

(၅) သင်ပြန်သောအခါ နောက်တစ်နေ့မနက်တွင် မန်နေဂျာမှ ဆူစရာများနှင့် စောင့်နေသည်ကို သတိပြုပါ။

အဲဒီလို အလုပ်မျိုးတစ်ခုမှာ ကျွန်တော်လုပ်နေတယ်။ မနက် (၈) နာရီ ရုံးရောက်ဖို့ (၆)နာရီလောက်ထ၊ ပြန်ငိုက်၊ ရေချိုးခန်းဝင်၊ အဝတ်လဲ၊ ဘုရားရှိခိုးနဲ့ (၈) သာရုံးရောက်သွားတယ် - မနက်စာဆိုတာ လက်ထဲက ပေါင်မုန့်တစ်လုံးပဲပါလာခဲ့တယ်။ ရုံးရောက်လို့မှ မထိုင်ရသေးဘူး - Night Shift က လွှဲလိုက်တဲ့အလုပ်တွေက စပ်ဖြဲဖြဲနဲ့ ခုံပေါ်မှာ ငုတ်တုတ်ကြီး။ အဲဒါတွေ ရှင်းရင်းနဲ့ပဲ ထမင်းစားချိန် - စက်ရုပ်လိုဆို အားသွင်းချိန် ရောက်ရော။ တစ်နာရီ မကုန်ကုန်အောင် ထမင်းစားလိုက်၊ အနီးအနားလျှောက်လိုက်နဲ့ အနားယူရတယ်။ မယူလို့ မရဘူးလေ။ မနက်ကထဲက Run လာရတာ - ၁ နာရီထိုးနေပြီ။ ပြန်တက်ရင်လည်း ဆက်လုပ်ရဦးမယ်မဟုတ်လား။ တစ်နာရီပြည့်တော့ အလုပ်ထဲပြန်ဝင်၊ ဆက်လုပ်၊ နာရီကို ခဏခဏကြည့်၊ ဒီလိုနဲ့ (၆) နာရီသာသာမှာ Time Card ဖြတ်တဲ့အဆင့်ကို ရောက်ပါတယ်။ ဒါပေမယ့် မနက်ဖြန်ရောက်ရင် ဘယ်အထုပ်ကိုတော့ ရှင်းရဦးမယ် ... ဆိုတဲ့ အသိတွေနဲ့ပြန်လာရတာ။ အခြားဝင်စရာ မရှိလို့ အိမ်ပြန်ရောက်ရင် (၇) နာရီ။ ဘဝတူလေးတွေခေါ်ပြီး နီးစပ်ရာ Food Court မှာ ထမင်းစား၊ အိမ်ပြန် အင်တာနက်ခဏသုံး၊ ပြီးတာနဲ့ အိပ်ရပြန်ရော။ မနက်နိုးလာတော့ .. ထုံးစံအတိုင်း ပြန်စပေါ့ဗျာ။ ဒါက Morning Shift နော်။ Night Shift ဆိုလို့ကတော့ .. မပြောပြရက်ပါဘူး။ ပိတ်ရက်ကလေး တစ်ရက်ရပါတယ်။ လျှော်ရဖွတ်ရ၊ အခန်းရှင်းရ၊ လိုတာထွက်ဝယ်၊ အိမ်ကမှာတာ သွားလုပ်ပေးနဲ့ - မနားရပြန်ဘူး။ တဖြည်းဖြည်းနဲ့ ပျော်စရာခေါင်းပါးလာပြီး စက်ရုပ်နဲ့ တူလာတယ်ဗျာ။ ဒီအချိန်ထ၊ ဒါလုပ်၊ ဒီသွား၊ ပြန်လာ၊ ဒါစား၊ အိပ်၊ ပြန်ထ၊ အာ ..... အဲဒါတွေနဲ့ပဲ လုံးချလည်နေလိုက်တာလေ .... တခါတလေတော့ တွေးနေမိတယ် ... ငါက စက်ရုပ်နဲ့တူတဲ့ လူသားလား၊ လူသားလိုခံစားတတ်တဲ့ စက်ရုပ်လားလို့ ...

ကိုကြီးကျော်နဲ့ လက်ထပ်တယ်ဆိုတာ ကြားဖူးလား၊ ကျွန်တော်တော့ အရင်က ကြားရုံတော့ ကြားဖူးတယ်။ ခုတော့ ဖိတ်စာနဲ့ ဘာနဲ့ ဆိုတော့ တော်တော် အံ့သြရတယ်။ ကြုံမှ မကြုံဖူးတာကိုး....။ ဘယ်လိုများ မင်္ဂလာဆောင်ကြသလဲ ဆိုတာ မြင်ချင်မိတယ်။ ကိုကြီးကျော်က ရှိမှ မရှိတော့ပဲ ... ဘယ်လိုများ မင်္ဂလာဆောင်ကြမှာပါလိမ့်၊ ၀ိဥာဉ်နဲ့လား၊ ဒါဆို ဘာမှ မမြင်ရဘူးပေါ့။ သတို့သမီးကရော .. သူ့ကို မြင်ရမှာလား ...။ နာမည်ကိုက စံခမ်းဝင်မင်္ဂလာပွဲ တဲ့.. ကြက်သီးထဖို့ကောင်းတယ် ....။ အယူဝါဒတွေ တစ်ဖက်စွန်းရောက်တာ မလွန်လွန်းဘူးလား ..။ အစွဲအလမ်း၊ အယူသီးတာတွေ တော်တော် ဆိုးတာပဲ။ နတ်တွေဆိုတာ ကိုးကွယ်ရာမဟုတ်ဘူး၊ မေတ္တာပို့အမျှဝေပေးပါလို့ ဆရာတော်ကြီးတွေကလည်း ပြောတာပဲ ...။ ခုဟာက ကိုးကွယ်ရုံတင် မဟုတ်ဘူး၊ လင်ယောင်္ကျားတစ်ယောက် အနေနဲ့ပါ ကိုကြီးကျော်ကို လက်ထပ်သတဲ့ ... ။ အံသြဖို့တော်တော်ကောင်းတယ်။ အဲဒီဖိတ်စာကို တစ်ခါမှ မမြင်ဖူးလို့ သေချာသိမ်းထားတာ...။ ခု မမြင်ဖူးတဲ့သူ မြင်ဖူးအောင်လို့ တင်ပေးလိုက်ပါတယ်။

ကျွန်တော်တို့တွေ မိတ်ဆွေအပေါင်းအသင်းတွေဆီကို စာရေးတဲ့အခါ တခါတလေ အောက်ဆုံးမှာ P.S ဆိုပြီး စာကြွင်းလေးတွေ ရေးတတ်ကြပါတယ်။ မှာစရာရှိတာ ကျန်နေရင်ဖြစ်ဖြစ်၊ စချင်နောက်ချင်ရင်ဖြစ်ဖြစ်၊ “မောင့်ကိုချစ်တယ်နော်” လို့ ရေးချင်ရင်ဖြစ်ဖြစ်ပေါ့လေ။ ကျွန်တော့်မှာ အဲဒီ P.S နဲ့ပတ်သတ်ပြီး စုထားတဲ့ စာအုပ်လေးတစ်အုပ်ရှိတယ်။ အမေက သားသမီးတွေဆီကို ရေးတဲ့ P.S လေးတွေပါ။ ရေးထားတာတော့အများကြီးပေါ့။ ကောင်းနိုးရာရာလေးတွေကို ပထမပိုင်းအနေနဲ့ တင်ပြပေးလိုက်ပါတယ်။ ကျွန်တော်တို့လည်း သားသမီးတွေပဲ မဟုတ်လားဗျာ ...

(၁) P.S
တကယ်လို့များ သူတို့ကားမောင်းစဉ်လေးမှာ ငေးကြည့်နေမယ့်သူ တစ်ယောက်မှမရှိဘူးဆိုရင် မာစီးဒီးကားကို ဘယ်နှစ်ယောက်ကများ ဝယ်စီးပါတော့မလဲ ?
မင်းကိုချစ်တဲ့ ... မေမေ

(၂) P.S
သိပ္ပံပညာမှာရော၊ ဖန်တီးမှုအနုပညာတွေမှာပါ ခမ်းနားကြီးကျယ်သော ပြီးမြောက်အောင်မြင်မှုတွေဟာ ပါဝင်သူ တစ်ဦးချင်းစီရဲ့ ပြုလုပ်ဆောင်ရွက်မှုတွေကြောင့်သာ ပြီးမြောက်ခဲ့တာပါ။ ဘယ်ပန်းခြံမှာမှ ကော်မတီအဖွဲ့အစည်းတစ်ခုခုကို ရည်ညွှန်းပြီး ထုလုပ်ထားတဲ့ ပန်းပုလက်ရာဆိုတာမျိုးမရှိပါဘူး။
မင်းကိုချစ်တဲ့ ... မေမေ

(၃) P.S
ထိုင်နေရင်းနဲ့ အောင်မြင်မှုရသွားခဲ့တဲ့ တစ်ခုတည်းသော သာဓကလေးကတော့ ကြက်မပဲရှိပါတယ်သား။
မင်းကိုချစ်တဲ့ ... မေမေ

(၄) P.S
သတင်းစာတစ်စောင်က Research လုပ်ဖူးတယ်။ ဘယ်သူတွေဟာ အပျော်ဆုံးလူတွေလဲ ဆိုတာကိုပေါ့။ နှစ်သက်စရာ အဖြေလေးခုရခဲ့တယ်လေ။
- တစ်ခုခုကို သေချာကောင်းအောင်လုပ်ပြီးတော့ လေလေးချွန်နေတတ်တဲ့ လက်မှုပညာရှင် ဒါမှမဟုတ် အနုပညာရှင်တစ်ယောက်။
- သဲရဲတိုက်လေးတည်နေတဲ့ ကလေးငယ်တစ်ယောက်
- ကိုယ့်ရင်သွေးငယ်ကို ရေချိုးပေးနေတဲ့ မိခင်တစ်ယောက်
- ခက်ခဲတဲ့ ခွဲစိတ်မှုတစ်ခုပြုလုပ်ပြီး အသက်တစ်ချောင်းကို ကယ်လိုက်တဲ့ ဆရာဝန်တစ်ယောက်
သားသတိပြုမိမှာကတော့ ငွေ၊အာဏာနဲ့ ပိုင်ဆိုင်မှုတို့ဟာ ဒီအဖြေတွေထဲမှာ တစိုးတစိမှ တွေ့မှာမဟုတ်ဘူး ဆိုတာကိုပါ။
မင်းကိုချစ်တဲ့ ... မေမေ

(၅) P.S
St.Louis ကိုသွားတဲ့လမ်းမှာ မေမေအကြိုက်ဆုံး ဘန်ဘာစတစ်ကာစာတမ်းလေးကတော့
“ သင်ဟာတကယ်လို့ မှားယွင်းတဲ့လမ်းကြောင်းကို ဦးတည်မိပြီဆိုရင် ဘုရားသခင်က ဂငယ်ကွေ့ပြန်ကွေ့ဖို့ ခွင့်ပြုပါတယ်” တဲ့။
မင်းကိုချစ်တဲ့ ... မေမေ

(၆)P.S
Margraet နဲ့ မေမေ See Food သွားစားကြတယ်လေ။ မေမေတို့ အစာတွေလျှောက်ကြည့်ပြီး တဝစားပစ်လိုက်ကြတယ်။
မင်းကိုချစ်တဲ့ … မေမေ

(၇)P.S
ထိုင်ပြီး ဆန္ဒပြုနေရုံနဲ့တော့ ဘယ်သူ့ကိုမှ ကြီးမြင့်စေမှာမဟုတ်ဘူး။ ဘုရားသခင်က ငါးတွေကို ဖန်ဆင်းပေးထားပြီးသား။ ဒါပေမယ့် သားက ငါးစာတီကိုတော့ တူးရမှာပေါ့။
မင်းကိုချစ်တဲ့ … မေမေ

(၈)P.S
သားအမြဲတမ်း မှန်ကန်ချင်သလား။ ဒါမှမဟုတ် အမြဲတမ်း ပျော်ရွှင်ချင်သလား။
မင်းကိုချစ်တဲ့ … မေမေ

(၉)P.S
သားရဲ့ထုတ်ဝေသူတွေနဲ့ ချုပ်တဲ့စာချုပ်ကို သတိထားပြီး သေသေချာချာ ဖတ်နော်။ စာလုံးကြီးနဲ့နှိပ်ထားတာတွေက သူတို့ပေးမှာတွေ၊ စာလုံးသေးသေးနဲ့နှိပ်ထားတာတွေက သူတို့ကယူသွားမှာတွေဆိုတာ သတိရနေပါ။
မင်းကိုချစ်တဲ့ … မေမေ

(၁၀)P.S
Julie ရဲ့ အသက် ၄၀ ပြည့်မွေးနေ့မှာ တစ်ယောက်ကဒီစာတန်းလေးရေးထားတဲ့ ကဒ်အကြီးကြီးတစ်ခုပေးခဲ့လေရဲ့။
“ တောင်ကုန်း (အခက်အခဲ) လည်းကျော်ပြီးရော အရှိန်လည်း ပိုရလာတာပေါ့ ”
သားဖေဖေနဲ့ မေမေတို့လည်း တကယ့်ကို မှန်မှန်ကြီးရွေ့နေတာပဲနော် …
မင်းကိုချစ်တဲ့ … မေမေ

(၁၁)P.S
ကံတရားက တံခါးမကြီးကိုပိတ်ထားရင် ပြတင်းပေါက်က ကျော်ဝင်ပေါ့ကွယ်။
မင်းကိုချစ်တဲ့ … မေမေ

(၁၂)P.S
သားရဲ့ဝန်ထမ်းတွေကို ဝေဖန်တော့မယ်ဆိုရင် ဒီအချက်လေးကို စဉ်းစားစေချင်တယ်။ ပထမဆုံး ချီးမွမ်းစကားနဲ့ သူ့ကိုနှစ်သက်ကြောင်းပြောပါ။ ဆံသသမားတောင်မှ သင်တုန်းဓါးနဲ့မရိတ်ခင် ဆပ်ပြာမြှပ်လေးတော့ သုတ်ပေးသေးတာ သတိရလိုက်ပါ။
မင်းကိုချစ်တဲ့ … မေမေ

(၁၃)P.S
သားဖေဖေ ပြောဖူးတယ်။ ငွေကြေးဖောင်းပွမှုဟာ အရာရာကိုတော့ မပျက်စီးစေပါဘူးတဲ့။ ဆယ်ပြားစေ့ကို ဝက်အူလှည့်အပြားလို သုံးလို့ရနိုင်သေးတာပဲတဲ့လေ။
မင်းကိုချစ်တဲ့ … မေမေ

(၁၄)P.S
သူငယ်ချင်းဆိုတာ မင်းရဲ့အကြောင်းအားလုံးကို သိပြီးတဲ့နောက် ဘယ်လိုဖြစ်ဖြစ် မင်းကိုဆက်နှစ်သက်နေသေးတဲ့ သူတစ်ယောက်ပဲ။
မင်းကိုချစ်တဲ့ … မေမေ

(၁၅)P.S
တကယ်လို့များ သားရဲ့အိမ်ထောင်ရေးကို စစ်ဆေးတော့မယ်ဆိုရင် တယ်လီစကုပ်မှန်ပြောင်းကြီးကို ပြောင်းပြန်သာ ပြန်ကြည့်လိုက်ပါသား။
မင်းကိုချစ်တဲ့ … မေမေ


(၁၆)P.S
ကြည့်မလှဘူးဆိုတဲ့ ပြုံးအလှပိုင်ရှင်ကိုဖြင့် မေမေ တခါမှမမြင်မိပါဘူးကွယ်။
မင်းကိုချစ်တဲ့ … မေမေ


(၁၇)P.S
ဒီတပတ်တော့ မေမေ စကားမပြောခင် အရင်စဉ်းစားဖို့ကြိုးစားတယ်။ အပြုသဘောနဲ့ ကြင်ကြင်နာနာ ပြောရင်ပြော၊ ဒါမှမဟုတ်ရင် အရှင်းမပြောဘဲသာ နေလိုက်ဖို့ပေါ့။ ဝန်ကြီးချုပ် ဝန်စတန် ချာချီကပြောဖူးတယ် … “ စကားလုံးဆိုးဆိုးတွေကို မပြောဘဲမြိုချလိုက်ရုံနဲ့ ဘယ်သူမှအစာအိမ် ထိခိုက်မှာ မဟုတ်ပါဘူး ” တဲ့လေ။
မင်းကိုချစ်တဲ့ … မေမေ


(၁၈)P.S
ဘုရားသခင်တည်းသာလျှင် မည်သူ့ကိုမဆို နှိမ့်ချသတ်မှတ်နိုင်တဲ့ နေရာမျိုးမှာ ရှိပါတယ်။
မင်းကိုချစ်တဲ့ … မေမေ


(၁၉)P.S
ပျော်ရွှင်စေရမယ်လို့ ဘယ်သူမှ အာမခံချက်ရမထားပါဘူး။ ဘဝဟာ လူတစ်ဦးချင်းအတွက် အချိန်နဲ့နေရာကိုပဲ ပေးထားတာပါ။ ပျော်ရွှင်မှုတွေနဲ့ ဖြည့်ဖို့ရာ တို့တွေပေါ်မှာပဲ မူတည်ပါတယ်။
မင်းကိုချစ်တဲ့ … မေမေ


(၂၀)P.S
သားရဲ့ကိုးကွယ်ရာဟာ ဘာလဲဆိုရင် ဘုန်းတော်ကြီး တရားမဟောတော့တဲ့ အချိန်မှာ သားဘာလုပ်နေလဲ ဆိုတာပါပဲ။
မင်းကိုချစ်တဲ့ … မေမေ

ထုံးစံအတိုင်း စမ်းသပ်စစ်ဆေးမှုများပြုလုပ်ပြီး အားပေးစကားများ ပြောကြားကာ လှည့်ထွက်မည်အလုပ် လူနာဖြစ်သူက ကျွန်တော့်လက်ဖမိုးကို ခပ်ဖွဖွဆုပ်ကိုင်ပြီး အလွန်ကောင်းမွန်ပြေပြစ်သော အင်္ဂလိပ်စကားဖြင့် မေးခွန်းတစ်ခုကို မေးလာသည်။

“ ဒေါက်တာ၊ ကျွန်တော်ဟာ ဗုဒ္ဓဘာသာတစ်ယောက်ပါ။ သေခြင်းတရားကို ရင်ဆိုင်ရဲပါတယ်။ ကျွန်တော် ဒီကင်ဆာရောဂါနဲ့ ဘယ်လောက်ခံမလဲ။ သိပါရစေ ”

အဖြေရှိနေသော ကျွန်တော့်အတွက် စဉ်းစားရမည့် မေးခွန်းမဟုတ်ပါ။ ကျွန်တော်က သူ့ရောဂါကို အထူးကြပ်မတ်ကုသပေးနေသော ဆရာဝန်ပင်ဖြစ်သည်။ ဒီလိုမေးခွန်းများကို ဖြေရင်း သာမန်ဆရာဝန်မှသည် ယခုလို ဆရာဝန်ကြီး ဖြစ်လာခဲ့ပြီ။ အခုလည်း ဒီမေးခွန်း … ကျွန်တော် အတုံ့အဆိုင်းမရှိပင် ဖြေလိုက်သည်။

“ ယေဘုယျအားဖြင့်ဆိုရင်တော့ လူကြီးမင်းလို ကင်ဆာရောဂါသမားများဟာ တစ်နှစ်လောက်ပဲ အသက်ရှင်နိုင်ပါတော့မယ် ”

“ အော်… ကျေးဇူးပါဆရာ ”

သေခြင်းကို ရင်ဆိုင်ရဲသည်ဆိုသော်လည်း ရင်မဆိုင်ရဲသူတစ်ယောက်ပမာ မျက်လုံးများမှိတ်သွားပြီး အနားယူလိုဟန်ဖြင့် ခေါင်းကို တဘက်သို့စောင်းသွားလိုက်သဖြင့် ကျွန်တော်လည်း အခန်းပြင်သို့ထွက်လာခဲ့လိုက်သည်။ အခန်းပြင်တွင် လူနာရှင်မိသားစုနှင့်တွေ့ပြီး လူနာအခြေအနေကို ပြောပြပေးလိုက်သည်။ သို့သော် တချို့သော မိသားစုဝင်များ၏ မျက်နှာတွင် အလိုမကျဟန်များ အထင်းသားပေါ်လွင်နေသည်ကို ကျွန်တော် သတိပြုမိသည်။ သူတို့လူနာအား စိတ်မချမ်းသာစရာ ပြောမိ၍ပင်ဖြစ်မည်ဟု ကျွန်တော်တွေးနေမိသည်။

မှန်ပါသည်။ ကျွန်တော့်အတွေး မှန်ပါသည်။ ညဘက်ရောက်တော့ လူနာ၏ညီနှင့် သမီးဖြစ်သူတို့က ဖုံးဆက်ပြီး လူနာစိတ်သက်သာစေရန် စကားပြင်ပြောပေးဖို့ တောင်းဆိုကြသည်။

“ ဟုတ်ကဲ့။ ဖြစ်ပါတယ်။ ကျွန်တော်ကြည့်ကောင်းအောင် ပြန်ပြောပေးပါ့မယ် ”

အမေးရှိ၍ အဖြေရှိလိုက်ရသော ကျွန်တော့်မှာ တာဝန်မကင်းသလို ဖြစ်နေသဖြင့် ပြန်၍ စကားဖာရမည်ဖြစ်သည်။ သူတို့သုံးသော စကားတစ်လုံးကိုလည်း မှတ်မိနေမိသည်။
“ တောင်းပန်ပါတယ် ဆရာရယ် ” ဗမာလူမျိုးများသည် ထိုသို့ပင်နှိမ့်ချ ပြောတတ်ဟန်တူသည်။

ကျွန်တော် တယ်လီဖုံးချပြီး ကုလားထိုင် နောက်မှီကို အားရပါးရမှီချရင်း မျက်နှာချင်းဆိုင်မှ ကျွန်တော့် နာမည်နှင့် ရာထူးရေးထားသော နှစ်ပေပတ်လည် ဆိုင်းဘုတ်လေးကို ဖတ်နေမိသည်။

“ ဆေးပညာပါရဂူကြီး ဒေါက်တာဂျွန်ကွန်လီ ၊ မျက်နှာနှင့် လည်ပင်းဆိုင်ရာ ကင်ဆာရောဂါအထူးကု၊ ဥက္ကဌ (အမေရိကန်ပြည်ထောင်စု ကင်ဆာရောဂါဆရာဝန်များ အသင်းကြီး) ”

ဒီလို ဆရာဝန်ကြီး ဖြစ်ပါလျက် ကျွန်တော်သည် လူနာကို စကားပြောရာတွင် အလွန်ပင်ညံ့ဖျင်းသေးသည်ဟု တယောက်တည်း တွေးနေမိသည်။ ဒီလူနာ ဆေးရုံစတက်စဉ်ကလည်း စကားမှားခဲ့မိသည်။ စကားမှားသည် ဆိုသည်မှာ အမှန်အတိုင်းတဲ့တိုး ပြောမိခြင်းဖြစ်သည်။ အဲဒီတုန်းကလည်း ဆေးစစ်ချက် အဖြေများဖတ်အပြီးတွင် လူနာ၏ အခြေအနေကို ကျွန်တော်ရိပ်မိပါသည်။ အခြေအနေသည် မကောင်းသောဘက်မှာ များနေခဲ့ပြီ။ လူနာက သူ့အခြေအနေကို ကျွန်တော့်အား မေးသည်။ ကျွန်တော့် အဖြေကား… “ Condition serious, but not hopeless ” ဟူ၍ ဖြစ်သည်။ အရေးကြီးသည့် အခြေအနေ၊ သို့သော် မျှော်လင့်ချက်မရှိဘူးတော့ မဟုတ် ဟူသော သဘောဖြစ်သည်။ ထိုစဉ်ကတည်းက ကျွန်တော်၏ ဒုတိယပိုင်းမှတ်ချက် “မျှော်လင့်ချက်မရှိဘူးတော့ မဟုတ်” ဟူသော စကားစုကို သံတမန်အသိုင်းအဝိုင်းတွင် နှစ်ပေါင်းများစွာ ကျင်လည်ခဲ့သော၊ သွယ်ဝိုက်သောစကားများကို နားလည်ခဲ့သော၊ မျက်နှာရိပ် မျက်နှာကဲ အလွန်ဖမ်းတတ်သော ဤလူနာသည် ကောင်းစွာ သဘောပေါက်နေခဲ့ပါလိမ့်မည်။

ဟုတ်ပါသည်။ ကျွန်တော်၏ လူနာမှာ သာမန်ညောင်ည ငွေတစ်ခုတည်းသာ ချမ်းသာသော လူနာမဟုတ်ပေ။ Mr. United Nation ဟု ခေါင်းဆောင်အသိုင်းအဝိုင်းက ချစ်စနိုးခေါ်ကြသော ရာထူးမှ ပူပူနွေးနွေး အနားယူထားသော ဗမာနိုင်ငံသားကြီး ဦးသန့်ပင်ဖြစ်လေသည်။ တတိယ ကမ္ဘာစစ်ဖြစ်မည့်အရေးနှင့် အခြားသော အရေးအခင်းများစွာကို နယူယောက်ရုံးခန်းအတွင်းမှ တားဆီးကိုင်တွယ်ခဲ့သော ဦးသန့်သည် ယခုတော့ ကင်ဆာရောဂါနှင့် ကုတင်ထက်တွင် လဲလျောင်းနေရပေပြီ။ ကျန်းမာရေးလိုက်စားသော ဦးသန့်၏ အားနည်းချက်မှာ ဆေးပြင်းလိပ် အလွန်ကြိုက်ခြင်းပင်ဖြစ်သည်။ ဆေးပြင်းလိပ်ကို ပါးစောင်မှာခဲပြီး အလုပ်လုပ်နေတတ်သည်။ ထိုအကျိုးဆက်ကို ယခုခံစားရပြီ ဖြစ်သည်။ စကားကောင်းကောင်းမပြောနိုင်၊ အစားအသောက်ကောင်းစွာ မြိုမချနိုင်ဖြစ်ရသည်။

ကျွန်တော် လူနာခန်းထဲဝင်လိုက်တော့ ဦးသန့်နှင့် မိသားစုစကားပြောနေသဖြင့် လူနာစောင့်များ ထိုင်သည့်ခုံတွင် ထိုင်ပြီးစောင့်နေမိသည်။ ကျန်းမာစဉ်က ပေါင် ၁၆၀ ရှိသော ဦးသန့်သည် ယခု ပေါင် ၁၁၀ သာရှိတော့သည်။ သတင်းစာရှင်းလင်းပွဲများ၊ မိန့်ခွန်းပြောပွဲများတွင် ကြည်လင်စူးရှစွာ ကြားရလေ့ရှိသော သူ့အသံများမှာ အခုတော့ ခပ်သြသြကြီး ဖြစ်နေသည်။ ဦးသန့်က အနီးရှိလူများကို မှုန်ရီစွာကြည့်ရင်း တီးတိုးပြောနေသည်။

“ အမေနဲ့ တွေ့ချင်တယ်ကွာ” “တွေ့ရမှာပေါ့လေ” တကိုယ်တည်း နှစ်သိမ့်သလိုပြောနေခြင်းဖြစ်သည်။ သမီးဖြစ်သူမှာ မျက်ရည်များပင် ကျဆင်းနေလေသည်။ ကျွန်တော်လည်း စမ်းသပ်ဖွယ်ရာများ လုပ်ဆောင်ပြီး မနေ့က စကားအတွက် ပြင်ဆင်ဖာထေး ပြောဆိုကာ ထွက်လာခဲ့လေသည်။

ရက်သတ္တပတ် အနည်းငယ်ကို ဖြတ်ကျော်ခဲ့လေပြီ။ ဦးသန့်၏ အခြေအနေကား တက်ရိပ်မပြ။ ဆိုးသထက် ဆိုးလာနေသည်ဟု ကျွန်တော်မှတ်ချက် ချမိသည်။

ထိုနေ့က နိုဝင်ဘာ ၂၅ ရက်နေ့၊ ၁၉၇၄။

ကျွန်တော်လည်း ဦးသန့်မိသားစုနှင့်အတူ လူနာခန်းထဲတွင် ရှိနေခဲ့သည်။ မှိန်းနေသော ဦးသန့်ကို လူနာစောင့်သဘော စောင့်နေကြခြင်းဖြစ်သည်။ ခဏနေတော့ ဦးသန့်လူးလွန့်လာပြီး သမီးဖြစ်သူကို ခေါ်ကာ အချိန်မေးသည်။

“ ဘယ်အချိန် ရှိပြီလဲ သမီး ”
“ တစ်နာရီထိုးပါပြီ ဖေဖေ ”
“ နေ့လည်လား ၊ ညလား သမီး ”
“ နေ့လည် တစ်နာရီပါ ”
“ အော်… တစ်နာရီတောင် ရှိပြီကို ”

အသက်ပြင်းပြင်းရှူရင်း ဦးသန့် မျက်လုံးပြန်မှိတ်သွားသည်။ သမီးဖြစ်သူလည်း ကျွန်တော်တို့အနား လာထိုင်ရင်း ထွေရာလေးပါးပြောနေကြသည်။ ဦးသန့်၏ ဇနီးဖြစ်သူ ဒေါ်သိန်းတင်ကတော့ ဗုဒ္ဓဘာသာတရားတော်များကို ရွတ်ဖတ်နေလေသည်။ ကော်ဖီ တစ်ခွက် သောက်ပြီးချိန်တွင် ဦးသန့် ကုတင်ကိုလှမ်းကြည့်မိတော့ ကျွန်တော့်မျက်လုံးတွေ ပြာဝေသွားသည်။ ဦးသန့်နှင့် ချိတ်ဆက်ထားသော နှလုံးခုန်နှုန်းပြ ကိရိယာတွင် မျဉ်းဖြောင့်များသာ တွေ့ရတော့သည်။ ကျွန်တော် ချက်ချင်းထလာပြီး နှလုံးခုန်နှုန်းတိုင်းကြည့်တော့ … သေချာခဲ့ပြီ … ပြည်သူချစ်သော ဦးသန့်သည် ကျွန်တော်တို့အားလုံးကို ထားရစ်ခဲ့လေပြီ … ပိတ်ထားသော မျက်လုံးတို့သည် ဘယ်သောအခါမှ ပြန်ပွင့်လာတော့မည် မဟုတ်တော့ပေ။ သည်းထန်စွာ ငိုကြွေးနေကြသော မိသားစုကို ထားခဲ့ပြီး ကျွန်တော် အခန်းပြင်ထွက်လာခဲ့တော့ များလှစွာသော သတင်းထောက်များ၊ သံရုံးဝန်ထမ်းများ ၊ အစိုးရကိုယ်စားလှယ်များ၊ ကုလသမဂ္ဂကိုယ်စားလှယ်များ ကို အခန်းဝတွင် တွေ့ရသည်။ သူတို့ မေးခွန်းက တစ်ခုတည်းပင်။

“ ဦးသန့် ဘယ်လိုနေသေးလဲ ၊ ဦးသန့် နောက်ဆုံးအခြေအနေလေး သိပါရစေ ”

“ ဦးသန့် ကျွန်တော်တို့အားလုံးကို ထားရစ်ခဲ့ပါပြီဗျာ ”

----------------------------------------------------------------------------------------
ဦးသန့်ကို ကုသပေးခဲ့သော ဆရာဝန်ကြီး ဂျွန်ကွန်လီ အဖြစ်ခံစားရေးသားထားခြင်း ဖြစ်ပါသည်။ ဤဆောင်းပါးသည် ဦးသန့် အပါအဝင် မည်သူတဦးတယောက်ကိုမှ ထိပါးလိုခြင်း၊ နှိမ့်ချလိုခြင်း၊ စော်ကားလိုခြင်းများမရှိဘဲ တတ်ကျွမ်းသလို ရေးသားထားခြင်းဖြစ်ပါသဖြင့် အမှားပါပါကလည်း ခွင့်လွှတ်ပေးပါရန် ပန်ကြားအပ်ပါသည်။

Ref : ကမ္ဘာငြိမ်းချမ်းရေးဗိသုကာ ဦးသန့် (တက္ကသိုလ် စိန်တင်) ၊ အင်တာနက်။